ចង់ជោគជ័យ កុំរំពឹងថាត្រូវធ្វើត្រូវទាំងអស់ ១០០% ឱ្យសោះ

💵 ចង់ជោគជ័យ កុំរំពឹងថាត្រូវធ្វើត្រូវទាំងអស់ ១០០% ឱ្យសោះ។

ព្រោះការពិតនៃជីវិត គឺកាន់តែធ្វើច្រើន ក៏កាន់តែខុសច្រើន។

តែអ្នកដែលខុសច្រើនហ្នឹងហើយ គឺជាអ្នកដែលកៀកនឹងភាពជោគជ័យបំផុត។

 ភាពខុសគ្នារវាង "អ្នកហ៊ានធ្វើ" និង "អ្នកខ្លាចខុស"

១. អ្នកខ្លាចខុស លទ្ធផល គឺនៅទ្រឹងមួយកន្លែង

ចង់ធ្វើនេះ ចង់ធ្វើនោះតែខ្លាចគេសើច ខ្លាចខាតលុយ។

ចំណាយពេលគិតច្រើនពេក រហូតដល់មិនបានចាប់ផ្តើមធ្វើអ្វីសោះ។

🌀លទ្ធផល គឺជីវិតនៅដដែល គ្មានបទពិសោធន៍ថ្មី និងគ្មានឱកាសជោគជ័យ។

២. អ្នកហ៊ានសាកល្បង លទ្ធផល គឺកាន់តែខុស កាន់តែពូកែ

ហ៊ានចាប់ផ្តើម ទោះដឹងថា អាចនឹងបរាជ័យខ្លះក៏ដោយ។

រាល់ពេលដែលធ្វើខុស គេទទួលបាន "មេរៀន" ដែលសាលាមិនមានបង្រៀន។

លទ្ធផល គឺទោះធ្វើ ១០ យ៉ាង សម្រេចបានតែ ៣ យ៉ាង ក៏ជីវិតគេដើរទៅមុខឆ្ងាយបាត់ទៅហើយ។

❔ឧទាហរណ៍៖ ការលក់ដូរតាមអនឡាញ

អ្នកទី ១៖ ចង់លក់ណាស់ តែខ្លាចលក់មិនដាច់ ក៏មិនព្រមដាក់ទុនរកស៊ីសោះ។

🌀លទ្ធផល គឺសល់លុយដដែល តែគ្មានចំណេះដឹងសូម្បីតែបន្តិចពីការលក់។

អ្នកទី ២៖ ហ៊ានយកលុយ ៛ ៤០០,០០០ ទៅទិញអីវ៉ាន់ ១០ មុខមកលក់សាកមើល។

លក់ដាច់តែ ៣ មុខទេ ចំណែក ៧ មុខទៀតលក់មិនដាច់ សល់កកស្ទះ។

🌀លទ្ធផល គឺគេរកឃើញថាអីវ៉ាន់ ៣ មុខហ្នឹងជា "របស់ត្រូវប៉ាន់"។

លើកក្រោយគេឈប់ទិញអា ៧ មុខហ្នឹង គេសម្រុកទិញតែ ៣ មុខហ្នឹងមកលក់បន្ថែម។

ចុងក្រោយ គេក្លាយជាអ្នកលក់ដាច់បំផុត ដោយសារតែគេហ៊ានសាកល្បងឱ្យស្គាល់រសជាតិ "លក់មិនដាច់" សិន។

កុំខ្លាចក្នុងការធ្វើខុស! ព្រោះការដែលហ៊ានសាកល្បងធ្វើអ្វីថ្មីៗច្រើន

ទោះជោគជ័យត្រឹមតែបន្តិចបន្តួច ក៏វាប្រសើរជាងអ្នកដែលអង្គុយចាំតែភាពល្អឥតខ្ចោះ តែមិនដែលធ្វើអ្វីសោះដែរ។

ឈប់គិតច្រើន ហើយចាប់ផ្តើមធ្វើពីថ្ងៃនេះទៅ!