កូនខ្លាខ្មាសអៀន ព្រោះឃើញ «ពុក» វាដើរគេចចេញពីឆ្កែឆ្កួត ទ្រាំពុំបានក៏សួរ តែចម្លើយតបធ្វើឱ្យវា…ភ្ញាក់ខ្លួន!
កាលពីព្រេងនាយមានខ្លា១ក្បាលឃើញឆ្កែឆ្កួត វាក៏ប្រញាប់គេចចេញយ៉ាងឆ្ងាយ ។ កូនខ្លាពោលទៅកាន់ឪវាថា : «ពុកអើយ! ពុកហ៊ានប្រយុទ្ធនឹងតោ ចចក រមាស…. ហេតុអ្វីបានជាពុកបែរជាគេចមុខពីឆ្កែឆ្កួត១ក្បាលនេះទៅវិញ ? ពិតជាបាក់មុខណាស់!» ។
ខ្លា ជាឪពុកងាកមកសួរ : «បើតាមកូនឯងវិញ ការយកឈ្នះលើឆ្កែឆ្កួត១ក្បាល វានាំឱ្យរុងរឿងដែរ ឬទេ? ។ កូនខ្លាគ្រវីក្បាល…!» ឪពុកសួរបន្ត៖ «ហើយបើត្រូវឆ្កែឆ្កួតខាំបន្តិច តើវា… ស៊យធំដែរ ឬទេ?» ។
ពិតណាស់! មនុស្សយើងពុំចាំបាច់បង្ហាញភាពខ្លាំងនៅគ្រប់ករណីទេ ។ មនុស្សឆ្លាត គេមិនវែកញែកនឹងមនុស្សខ្លៅទេ ។ អ្នកក្លាហាន គេពុំប្រយុទ្ធជាមួយមនុស្សធម្មតា គ្មានអាវុធក្នុងដៃឡើយ!!! ៕
588.176 SRY