ស្នេហ៍ដែលខ្ញុំចង់បាន

#ស្នេហ៍ដែលខ្ញុំចង់បាន!

កាលខ្ញុំនៅក្មេង ខ្ញុំគិតថាស្នេហាគឺដូចជាភាពយន្ត ឬ ប្រលោមលោកដែលមានបុរសមុខមាត់ដ៏ស្រស់ស្អាតសង្ហា មានគ្រាដ៏ល្អឥតខ្ចោះនៅក្នុងជីវិត និង ជារឿងដែលតែងតែបញ្ចប់ដោយភាពរីករាយដែលមិនធ្លាប់មាន។ 

ខ្ញុំ​ស្រមៃ​ថា​ខ្លួន​ឯង​ជា​នារីម្នាក់​! ដែល​បានទទួលភាពកក់ក្ដៅ ការលើកតម្កើង និង មានស្នេហាដែលរ៉ូមែនទិក​ដូចក្នុងរឿងនិទានស្នេហ៍ដែលខ្ញុំតែងអាន។

ប៉ុន្តែ​ពេល​ខ្ញុំ​ធំ​ឡើង ខ្ញុំ​បាន​ដឹង​ថា​ស្នេហា​មិន​មែន​សំដៅ​លើ​ភាព​ល្អ​ឥត​ខ្ចោះ​នោះទេ។

អ្វីដែលខ្ញុំចង់បាននៅពេលនេះ គឺសន្តិភាព ភាពស្មោះត្រង់រវាងគ្នា និង គ្នា ការមិនចោលគ្នាក្នុងគ្រាលំបាក ឬ មិនបោះបង់គ្នានៅពេលភាគីម្ខាងទៀតកំពុងត្រូវការយើងបំផុត!

ខ្ញុំមិនត្រូវការនរណាម្នាក់ដែលមើលទៅឥតខ្ចោះ! រកកន្លែងទាស់គ្មាននោះទេ។តែខ្ញុំត្រូវការអ្នកដែលធ្វើឱ្យខ្ញុំមានអារម្មណ៍ថាកំពុងនៅផ្ទះ។

អ្នកដែលនាំមកនូវភាពស្ងប់ស្ងាត់ក្នុងភាពវឹកវរ និង ផ្ដល់ថាមពលមកឱ្យខ្ញុំនៅពេលខ្ញុំខ្សោយ។

សេចក្តីស្រលាញ់ដែលខ្ញុំចង់បាន គឺជាសេចក្តីស្រលាញ់ដែលជួយខ្ញុំឱ្យកាន់តែប្រសើរឡើង។ ជាបុរសម្នាក់ដែលជំរុញខ្ញុំឱ្យធំធាត់ និង រីកលូតលាស់។ជាអ្នកដែលអាចរស់នៅក្នុងជីវិតដ៏រញ៉េរញ៉ៃរបស់ខ្ញុំបាន។ ហើយជាម្នាក់ដែលតែងលើកត្រកងខ្ញុំឡើងនៅពេលខ្ញុំដួល។ 

ហើយវាជាស្នេហាដែលបង្រៀនខ្ញុំនូវមេរៀន និង ដើរជាមួយខ្ញុំមិនថារយៈចម្ងាយខ្លី ឬ វែង។

ស្នេហាដែលខ្ញុំចង់បាន វាលែងមើលទៅដូចជាភាគនិទានស្នេហ៍ដ៏ផ្អែមល្ហែមទៀតហើយ។តែវានិយាយពីការកសាងជីវិតពិតជាមួយគ្នា កាន់ដៃគ្នានៅលើដងផ្លូវដ៏វែងអន្លាយ បង្កើតគ្រួសារ រីកចម្រើនតាមរយៈការតស៊ូ និង ជ្រើសរើសគ្នា ការពារគ្នាទៅវិញទៅមកជារៀងរាល់ថ្ងៃ។

នោះ​ហើយ​ជា​សេចក្ដី​ស្រលាញ់​ដែល​ខ្ញុំចង់បាន និង គួរ​ឱ្យរង់ចាំ។