ប្រាសាទកោះកេរ
កោះកេរ ជាអតីតរាជធានីខ្មែរបុរាណក្នុងសតវត្សទី១០ និងមានទីតាំងស្ថិតនៅក្នុងភូមិស្រយ៉ង់ខាងជើង ឃុំស្រយ៉ង់ ស្រុកគូលែន ខេត្តព្រះវិហារ ។ កោះកេរមានចម្ងាយប្រមាណ ១២០គីឡូម៉ែត្រពីទីរួមខេត្តសៀមរាប និងមានចម្ងាយប្រមាណ ៦០គីឡូម៉ែត្រពីទីរួមខេត្តព្រះវិហារ ។ ចំណែកឯចម្ងាយពីរាជធានីភ្នំពេញមានចម្ងាយ ៤៦០គីឡូម៉ែត្រ ។
នៅជុំវិញក្រុមប្រាសាទកោះកេរ មានប្រាសាទធំ ហៅថា ប្រាសាទកោះកេរ ដែលស្ថិតក្នុងកំពែងរាងបួនជ្រុងទ្រវែង ដែលមានប្រាសាទ អគារតូចធំជាច្រើន ព្រមទាំងប្រាសាទដទៃៗឯទៀតជាច្រើនផងដែរ ។ ស្ថាបត្យកម្មនៃតួប្រាសាទកោះកេរ គឺជាសំណង់ប្រាសាទទោលធំ ហើយខ្ពស់ត្រដែត ដែលមានកំពូលតួប៉មតែមួយនោះ ។ ប្រាសាទកោះកេរមានលក្ខណៈជាប្រាសាទភ្នំ កម្ពស់ប្រមាណ៣៥ម ចែកចេញជា៧ថ្នាក់ នៅលើកំពូលប្រាសាទនេះ មានរូបចម្លាក់គ្រុឌធំៗជាច្រើន កំពុងសំដែងឫទ្ធ ទ្រនូវសិវលិង្គត្រីភូវនេស្វរៈ នៅក្បែរគ្នានេះដែរ មានមាត់រន្ធអណ្តូងមួយទំហំ ៤x៤ម ៕
755.322 SRY