ព័ត៌មានថ្មីៗអំពីជម្លោះ ម៉ោង ៨ ព្រឹក ថ្ងៃទី ១២/១១/២៥៖ ទាហានថៃបន្តវាយប្រហារទឹកដីកម្ពុជា
ព្រឹកនេះនៅសមរភូមិខ្លះ ទាហានថៃបន្តវាយចូលទឹកដីខ្មែរ។
កងកម្លាំងយោធាថៃបានផ្តួចផ្តើមការវាយប្រហារមកលើអធិបតេយ្យភាពរបស់កម្ពុជា ភូមិគ្រឹះជនស៊ីវិលនៅយោធភូមិភាគទី៥ ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ នៅព្រឹកថ្ងៃទី១១ ខែធ្នូ ឆ្នាំ២០២៥។
នៅវេលាម៉ោង០៧ និង៥២នាទីព្រឹក យោធាថៃបានបាញ់ផ្លោងចូលតំបន់ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ដែលមានជនស៊ីវិលស្នាក់នៅ។
រហូតមកដល់ម៉ោង ៨ព្រឹកថ្ងៃទី១១ ខែធ្នូ ឆ្នាំ២០២៥ ទាហានថៃបានបន្តបាញ់ផ្លោងចូលទឹកដីកម្ពុជាក្នុងសមរភូមិមួយចំនួន។
សម្រាប់សមរភូមិក្នុងខេត្តឧត្តរមានជ័យ ទាហានថៃបានបន្តបាញ់ផ្លោងតាំងពីព្រលឹម។
ដោយឡែកនៅទិសប្រាសាទព្រះវិហារ នៅសមរភូមិភ្នំខាត់ មុំទៃ និងអានសេ ទាហានថៃក៏បន្តបាញ់ផ្លោងទៀតផង ។
ចំពោះប៉ុស្ដិ៍លេខ៤៧ ភូមិសុខសាង ឃុំអូរបីជាន់ ទាហានថៃបានបន្តបាញ់ផ្លោងទៀត ប៉ុន្តែនៅបឹងត្រកួនវិញស្ងប់ស្ងាត់។
នៅសមរភូមិអូររំដួល ឃុំថ្មដា ស្រុកវាលវែង ខេត្តពោធិ៍សាត់ ទាហានថៃស្ថានភាពស្ងប់ស្ងាត់តាំងពីយប់រហូតដល់ព្រឹកនេះ។
395.045 SRY