ជនបរទេសម្នាក់ត្រូវបានបាញ់សម្លាប់នៅកណ្តាលក្រុងព្រះសីហនុ
សមត្ថកិច្ចកំពុងស៊ើបអង្កេត បន្ទាប់ពីជនបរទេសម្នាក់ត្រូវបានបាញ់សម្លាប់ ខណៈពេលដែលគាត់កំពុងអង្គុយលើកៅអី នៅកណ្តាលក្រុងព្រះសីហនុ។
ហេតុការណ៍នេះបានកើតឡើងនៅម៉ោងប្រហែល ៤:០០ រសៀល ថ្ងៃទី១០ ខែកុម្ភៈ ឆ្នាំ២០២៦ នៅមុខហាងមួយកន្លែង ក្នុងតំបន់ជ្រុង LV សង្កាត់លេខ៤ ក្រុង និងខេត្តព្រះសីហនុ ដោយមិនទាន់មានមូលហេតុច្បាស់លាស់នៅឡើយទេ។
ក្រោយទទួលបានរបាយការណ៍ អាជ្ញាធរជំនាញ និងក្រុមគ្រូពេទ្យកោសល្យវិច្ច័យ បានចុះទៅកន្លែងកើតហេតុ ដើម្បីពិនិត្យស្ថានភាព និងប្រមូលភស្តុតាងពាក់ព័ន្ធ មុននឹងដឹកសាកសពទៅរក្សាទុកនៅសាលតម្កល់សពបណ្ដោះអាសន្ន នៅមន្ទីរពេទ្យបង្អែកខេត្តព្រះសីហនុ ដើម្បីចាត់ការតាមនីតិវិធីច្បាប់បន្ថែមទៀត។
អាជ្ញាធរបានឲ្យដឹងថា មូលហេតុនៃការស្លាប់នៅមិនទាន់ត្រូវបានកំណត់នៅឡើយទេ ខណៈការស៊ើបអង្កេតយ៉ាងហ្មត់ចត់កំពុងដំណើរការ រួមទាំងការស្វែងរកអត្តសញ្ញាណ និងសាច់ញាតិរបស់ជនរងគ្រោះដើម្បីជូនដំណឹង និងទទួលយកសពទៅធ្វើបុណ្យសពតាមប្រពៃណី។
0.000 SRY